Eurosoft.uz

Eurosoft.uz — IT kompaniyasining sayti: o'zim chizgan PHP davridagi dizaynni Nuxt 4'ga 1:1 ko'chirish — 69 loyihali portfolio, xizmatlar, blog, vakansiyalar, 3 til.

Eurosoft — O'zbekistondagi dasturiy ta'minot kompaniyasi. Kompaniya saytining dizayni menga tegishli: avval PHP'da ishlagan saytni Nuxt 4'ga piksel-ma-piksel, 1:1 ko'chirib chiqdim.

Vazifa

Eski PHP saytning ko'rinishi va tuzilmasini o'zgartirmasdan, uni zamonaviy, tez va boshqarish oson Nuxt ilovasiga aylantirish.

Nima qilindi

• Sahifalar: bosh sahifa, kompaniya haqida, xizmatlar, portfolio (ro'yxat va batafsil), blog, vakansiyalar va aloqa.
• 1:1 ko'chirish: asl CSS sinflari va o'lchamlari saqlangan — sayt avvalgidek ko'rinadi, lekin endi Vue komponentlaridan iborat.
• Kontent: 69 loyiha, 21 xizmat, yangiliklar, hamkorlar va vakansiyalar bitta ma'lumot faylida; eski serverdagi barcha rasmlar skript bilan ko'chirildi.
• 3 til (o'zbek, rus, ingliz), animatsiyalar va slayderlar.
• Aloqa formasi Google Apps Script orqali to'g'ridan-to'g'ri Google Sheets'ga yozadi.

Mening rolim

Saytning dizayni va Nuxt'ga ko'chirish to'liq menda.

Holat

Hozir eurosoft.uz'da boshqa jamoa tayyorlagan yangi dizayn ishlaydi; bu yerda mening versiyam ko'rsatilgan.