Hujjatchi: bir kunda g'oyadan ishlaydigan Telegram botgacha

Talabalar mustaqil ish uchun kserokschiga pul to'laydi, ishchi ta'til uchun ariza namunasini internetdan qidiradi, kimdir oddiy ijara shartnomasi uchun ham tanish-bilishga murojaat qiladi. Shu bilan birga, hamma Telegram'da yozish va ovoz yuborishga o'rgangan. Hujjatchi — shu ikki narsani bog'laydigan bot: nima kerakligini yozasiz yoki aytasiz, bir necha daqiqada tayyor Word fayl olasiz.

Bu post — loyiha qanday qurilgani, qaysi muammolarga duch kelganim va ularni qanday hal qilganim haqida.

Bot nima qiladi

1. Katta ish qisqarib qolmasligi uchun — rejaga bo'lib yozish

Birinchi sinovda 40 betlik ishni AI bitta urinishda yozdi — va 10–15 betga qisqartirib qo'ydi. Yechim: avval reja tuziladi (kirish, boblar, bandlar, xulosa — har biriga so'zlar soni), keyin har bir bo'lim alohida yoziladi. Natijada 40 betlik kurs ishi ~11 000 so'z bo'lib chiqdi, 15 betlik mustaqil ish — Word'da aynan 16 bet.

Tuzatishda ham shu yondashuv yordam berdi: «2.1 bandni kengaytir» desangiz, faqat o'sha bo'lim qayta yoziladi, qolganlari saqlanadi — 17 soniyada.

2. Adabiyotlar haqiqiy bo'lishi kerak

Til modellari kitob nomlarini «to'qib» yuborishi mumkin. Adabiyotlar bo'limi alohida, Google qidiruvi bilan tekshirib tuziladi: qonunlar (lex.uz bo'yicha nomi, sanasi, raqami), darsliklar va xorijiy manbalar. Sinovda Amir Temur mavzusidagi ro'yxat haqiqiy kitoblardan iborat bo'ldi.

3. Telegraf saboqi: bitta odam hammani kutdirmasin

Telegraf polling'da bitta paketdagi barcha update'lar tugashini kutadi. Kurs ishi 2–4 daqiqa yoziladi — demak shu vaqt ichida bot boshqa hech kimga javob bermaydi. Bitta foydalanuvchida bu ko'rinmaydi, o'nta odamda bot «qotadi». Og'ir ish handler ichida kutilmaydi: u bazaga yoziladi (job) va orqa fonda bajariladi.

4. Ishonchlilik

5. To'lov va boshqaruv

Birinchi hujjat bepul, keyin kreditlar. To'lov Uzcard/Humo kartaga o'tkazma bilan: har bir to'lovga takrorlanmas summa beriladi, o'tkazma kelsa telefonga signal keladi va admin bir bosishda tasdiqlaydi. Boshqaruv alohida panel emas — Moliyachi AI admin paneliga «Hujjatchi» bo'limi sifatida qo'shildi.

Natija

G'oyadan to'lov qabul qiladigan, ishlaydigan botgacha bir kun ketdi. Stack: Node.js, Telegraf, MongoDB, Gemini (Vertex AI) va Google qidiruvi, docx.

Sinab ko'ring: @hujjatchi_aibot — birinchi hujjat bepul. Loyiha sahifasi: Hujjatchi.